Unione dei Comuni della Bassa Valle del Tirso e del Grighine

“Conosco, amo e curo il mio habitat” est su nòmini de su progetu de educatzioni ambientali chi su Tzentru de Educatzioni Ambientali e a sa Sustenibilidadi (CEAS) de s’Unioni de is Comunus de sa Baddi Bàscia de su Tirsu e de su Grighini s’est incurendi de promovi e de mandai a innantis.

Sa punna de su progetu est cussa de connosci, avalorai e amparai su patrimoniu ambientali, is resursas naturalis e sa biodiversidadi cuncordendi fainas a posta e momentus de formatzioni, destinaus a tzitadinus, istitutzionis, assòtzius localis e scolas, po fai pigai cussèntzia a totus ca s’ambienti in ui bivimus est unu sceti, tenit unu valori mannu e bolit arrespetau e defensau.

Sa Regioni Sardìnnia bolit ponni a sistema is Tzentrus de educatzioni ambientali e a sa sustenibilidadi chi s’agatant in totu su territòriu regionali po fai nasci una reti stratègica e fai cresci sa cultura de sa sustenibilidadi in totu s’ìsula nosta.

Po sciri ita est e ita fait su CEAS de s’Unioni e connosci mellus su Progetu de educatzioni ambientali chi est mandendi a innantis fait a intrai a custu giassu https://www.unionevalletirsogrighine.it/l-amministrazione/servizi-dell-unione/1077-ceas

Po essi semper agiornaus de is fainas chi su CEAS de s’Unioni cuncordat fait a bisitai sa pàgina facebook CEAS Unione dei Comuni Bassa Valle Tirso Grighine