Regione Sardegna
Su Responsàbili de su Servìtziu Sòtziu-culturali fait a sciri ca su Comunu de Simaghis, cunformas a sa disponibilidadi finantziària sua e in coerèntzia cun is atus de programmatzioni generali, chi arreconnoscint su valori sotziali de su sport, giait dònnia annu contributus, finantziamentus e agiudus econòmicus a is Sotziedadis de Sport diletantisticu po favoressi is atividadis sportivas de interessu e utilidadi pùblica a favori de sa comunidadi simaghesa. Is contributus ant a essi assinniaus aici comenti stabiliu in su Regulamentu comunali.
Is domandas depint arribai a s’Ufìtziu de su Protocollu de su comunu a intru e no apustis de su 10 de nadali de su 2022.
Scadiu su tempus po presentai is domandas, s’at a fai una graduatòria provisòria chi at a essi publicada a s’Albu pretòriu de su Comunu po 15 diis a vatu de pari, in custu tempus at a fai a fai ricursu e osservatzionis.
Totu is àterus informus fait a ddus pregontai telefonendi a s’Ufìtziu de is Servìtzius Sotzialis a custus nùmerus:
Dot.ra Busia Giannina 0783-4069204 --- Geom. Gianfranco Carcangiu 0783-4069215
S’avisu, su regulamentu comunali e su mòdulu de domanda, paris a totu is àterus allegaus s’agatat publicau in s’Albu pretòriu online de su Comunu de Simaghis e in sa pàgina printzipali de su giassu istitutzionali www.comune.simaxis.or.it.