Regione Sardegna
Su Comunu de Ollasta a manus de pari cun is voluntàrius de sa Croce Rossa de su comitau de Aristanis ant cuncordau po domìnigu 11 de nadali 2022 de is 10.00 a is 12.00 unu cursu de primu sucursu gratis e po totu is nci bolint pigai parti.
At a essi una dii po imparai is arrègulas de su primu sucursu, po totu is chi po motivus personalis o de traballu si diant a podi agatai in cunditzioni de depi agiudai a una persona vìtima de “arresto cardio respiratorio”. In su cursu s’at a imparai finsas comenti usai su defibrilladori semiautomàticu.
Is chi ant a sighiri su cursu no ant a pigai sa tzertificatzioni. In sa pròpiu dii però at a fai a giai s’adesioni po cuncordai unu cursu chi giait a s’acabbu sa tzertificatzioni.
Po totu is àterus informus fait a cuntatai s’Assessorau a is polìticas giovanilis e a is servìtzius sotzialis.
S’avisu in italianu s’agatat publicau in sa pàgina FB de su Comunu de Ollasta.