Su 25 de donniassantu est sa dii Internatzionali po sensibilizai s’opinioni pùblica e po nai totu paris ca nou a sa violèntzia contras a is fèminas.

Una dii chi non depit essi sceti s’ocasioni po arregordai is fatus drammàticus de violèntzia acontèssius a fèminas meda in dònnia giassu de su mundu, ma una dii po pensai a su de fai po parai fronti a sa violèntzia e cuncordai fainas utilosas po is chi ndi sunt vìtimas.

Sa Regioni Sardìnnia promovit e cuncordat fainas in agiudu de is vìtimas de violèntzia e sunt medas is chi, impari cun is istitutzionis, sunt impenniaus a traballai po ascurtai, essi de agiudu e de amparu a custas personas.

Sa campagna regionali Sa mere ses tue bolit essi una manera po essi a canta a is fèminas chi sufrint a sa muda e ddis arregordai ca issas non sunt solas.

S’afortiamentu de is tzentrus contra de sa violèntzia, s’amparu chi giaint is domus de acasagiadura, su de ponni a disponimentu de chini ddu pedit un’agiudu legali sena depit pagai nudda e su rèdditu de libertadi sunt solu unus cantu esèmpius de cussas mesuras de agiudu chi at cuncordau sa Regioni po parai fronti a custu fenòmenu sotziali.

In su libriteddu s’agatant nùmerus, indiritzus e totu is informus utilosus chi sunt de importu po sciri ita, comenti e a innui podit andai a si fait agiudai una fèmina chi ndi bolit essiri a foras de una situatzioni mala de violèntzia

Ligi su libriteddu https://bit.ly/3F1ZHj9