Regione Sardegna
S’Assessorau de s’Istrutzioni pùblica at aprovau e publicau s’avisu “INSULAS-FRAILES” po insenniai in sa scola in oràriu curriculari is lìnguas de is minorias stòricas (lìngua sarda e catalanu de s’Alighera) e po fai laboratòrius didàticus in cussas lìnguas a foras de s’oràriu de scola po s’Annu scolàsticu 2022-2023.
Sunt duas is lìnias de interventu e is Istitutzionis scolàsticas sardas podint fai domanda po ambas o fait a ndi sceberai una sceti:
- INSULAS - INSenniamentu Ùnicu Lìnguas A iScola: po impreai e insenniai sa lìngua in oràriu scolàsticu e ammanniai s’oferta formativa.
- FRAILES - Fucinas de lìngua sardas: Laboratòrius Didàticus Extra-curricularis.
Podint presentai domanda is Istitutzionis scolàsticas sardas, statalis e paritàrias, chi tenint sa scola de infàntzia, primària e segundària de I e de II gradu.
Dònnia Istitutzioni scolàstica podit fai una domanda ùnica po nci pigai parti, ponindi paris is progetus po sa Lìnia INSULAS e/o is progetus po sa Lìnia FRAILES.
Sa domanda nci bolit mandada, a s’indiritzu de posta eletrònica tzertificada Questo indirizzo email è protetto dagli spambots. È necessario abilitare JavaScript per vederlo.
a intru e no a pustis de su 18 de donniassantu de su 2022 a mesudii (h.12.00).
Is progetus at a fai a ddus incumentzai a pustis chi sa Regioni at a publicai sa graduatòria e ant a depi acabbai a intru de su 31 de su mesi de austu de su 2023. Sa rendicontatzioni bolit fata a intru de is 60 diis a pustis.
Po totu is informus e crarimentus fait a mandai una mail a custus indiritzus:
Cristiano Becciu e-mail: Questo indirizzo email è protetto dagli spambots. È necessario abilitare JavaScript per vederlo.
Ines Lai e-mail:Questo indirizzo email è protetto dagli spambots. È necessario abilitare JavaScript per vederlo.
o finsas Questo indirizzo email è protetto dagli spambots. È necessario abilitare JavaScript per vederlo.
S’avisu cumpletu e totu is documentus allegaus s’agatant publicaus in su giassu istitutzionali de sa Regioni Autònoma de Sardìnnia.