Regione Sardegna
Martis 15 de donniassantu, a sas 9.30 de mangianu, at a fai a sighiri in Facebook sa direta de su primu apuntamentu de Àndalas de Cultura, unu progetu stratègicu de s’Assessorau regionali de s’Istrutzioni pùblica, benis culturalis, informatzioni, spetàculu e sport, chi fait parti de s’Agenda digitali de sa Regioni Sardìnnia. Sa faina est stètia cuncordada po fai a connosci a manera prus fàtzili e promovi su patrimòniu culturali e identitàriu mannu meda, materiali e immateriali, de sa Sardìnnia.
Sa direta streaming dd’ant a trasmiti de sa sea de sa Biblioteca regionali de bia Trieste 137, e at a fai a dda sighiri intrendi a sa pàgina Àndalas de Cultura de custu liòngiu: https://www.facebook.com/andalasdecultura
Custa at a essi un’ocasioni po connosci su cuntestu e sa metodologia impreaus po cuncordai su progetu, e po cumpartziri una gianna manna ùnica virtuali po intrai a su patrimòniu culturali de s’ìsula nosta.
Su programma totu cumpletu s’agatat publicau in su giassu istitutzionali de sa Regioni Autònoma de Sardìnnia.