Regione Sardegna
Si fait a sciri a is genitoris ca s’Amministratzioni Comunali de Siamanna, paris a cussa de Siapicia, bolint aviai su Tzentru de agregatzioni sotziali po pipieddus e piciocheddus (Ludoteca) chi tenint tra is 3 annus ( giai fatus, chi sunt frecuentendi su primu annu de asilu) e is 11 annus (chi frecuentant su de duus annus de sa scola mèdia).
Is fainas propostas ant a essi atividadis lùdicu-ricreativas e po socializai e s’ant a podi cuncordai laboratòrius creativus e/o de mùsica, duus bortas a sa cida po ses oras in totu a sa cida.
Is genitoris interessaus ddu depint fait a sciri, compilendi su mòdulu aprontau de su Comunu, chi fait a pediri in is ufìtzius comunalis o a ndi scarrigai in deretura de su giassu internet de su Comunu a s’indiritzu www.comune.siamanna.or.it, e mandendi.ndi.ddu a intru de CENÀBURA 18 DE DONNIASSANTU a s’indiritzu de posta eletrònica Questo indirizzo email è protetto dagli spambots. È necessario abilitare JavaScript per vederlo., o ponindi.ddu a intru de sa cascitedda de sa posta chi s’agatat in s’intrada de Comunu.
Is genitoris de Siapicia puru depint presentai sa domanda a intru de su 18 de donniassantu de su 2022 in su mòdulu a posta chi fait a ndi pigai a manus in Comunu o a ndi scarrigai de su giassu istitutzionali www.comune.siapiccia.or.it e chi nci bolit mandau a s’indiritzu Questo indirizzo email è protetto dagli spambots. È necessario abilitare JavaScript per vederlo.
Est pretzisu a nai ca su servìtziu s’at a ativai sceti si at a essi interessau unu tzertu nùmeru de famìllias. Po gosai de su servìtziu tocat a pagai unu tanti de dinari a càrrigu de is famìllias.
Po àterus informus fait a telefonai a s’ufìtziu de is Servìtzius Sotzialis de su Comunu de Siamanna a su nùmeru: 0783/449000 - int. 2 e 5, o a s’Ufìtziu de is Servìtzius Sotzialis de su Comunu de siapicia a su nùmeru 0783/449017
In su giassu istitutzionali de su Comunu de Siamanna e in cussu de su Comunu de Siapicai fait a ligi s’avisu in italianu e a ndi scarrigai su mòdulu de domanda.