Regione Sardegna
Si fait a sciri a is meris de canis ca est òbrigu po lei a ddis ponni su microchip. Unu veterinàriu de s’ATS de Aristanis at lompi a in is localis de sa ludoteca de Siamanna, martis 15 de donniassantu a is 10.45, po ponni su microchip a is canis sena de depi pagai nudda.
Totu is interessaus depint cumpilai sa scheda aprontada a posta chi fait a ndi pigai in deretura in Comunu o a ndi scarrigai intrendi a su giassu istitutzionali de su Comunu de Siamanna. Sa scheda cumpilada nci bolit torrada a Comunu a intru, e no a pustis, de lunis 14 de donniassantu de su 2022.
Po totu is atrus informus fait a tzerriai a s’Ufìtziu de sa guàrdia munitzipali de su Comunu.
Arregordaus a totus ca po lei est òbrigu a ponni su microchip a is canis, chini no nci scriri a su cani cosa sua a s’anagrafi de is canis est sugetu a pagai una cuntraventzioni.
S’avisu in italianu e su mòdulu de cumpilai s’agatant publicaus in su giassu istitutzionali de su Comunu de Siamanna.