Unione dei Comuni della Bassa Valle del Tirso e del Grighine

Si fait a sciri a totu is tzitadinus interessaus ca fait a fai domanda poi s terrenus comunalis a usu tzìvicu: po pastura, po semenai o po boddiri murta.

Po domandai terrenus a pastura e po ddus ponni a sèmini, po is annus agràrius 2023, 2024 e 2025, sa domanda bolit presentada a intru de su 21 de donniassantu de su 2022 a sa una (h.13.00).

Podint fai domanda is tzitadinus residentis me in su Comunu de Ollasta chi tenint 18 annus fatus.

Ant a intrai innantis de is àterus is chi sunt:

• scritus a s’INPS comenti coltivadoris diretus o imprendidoris agrìculus a tìtulu printzipali o de allevadori;
• scritus a sa Càmera de Cummèrtziu comenti coltivadoris diretus o imprendidoris agrìculus a tìtulu printzipali o de allevadori;
• s’agatant in cunditzionis econòmicas dificultosas tzertificadas cun sa decraratzioni ISEE.

Cumentzendi de su 26 de santuaini, totu is tzitadinus interessaus (residentis me in Ollasta e chi tenint 18 annus fatus) podint fai domanda a su Comunu po boddiri murta in is terrenus comunalis de Santu Martinu.

Is mòdulus po fai sa domanda fait a ndi ddus arretirai: in Comunu de lunis a cenàbura de is 10.30 a is 13.30 oghinou a nd ddus scarrigai in deretura de su giassu istitutzionali de su Comunu de sa setzioni “MODULISTICA- Usus Tzìvicus”

Is avisus in italianu s’agatant publicaus in su giassu istitutzionali de su Comunu de Ollasta.