Unione dei Comuni della Bassa Valle del Tirso e del Grighine

Si fait a sciri a is interessaus ca sa Regioni at a giai contributus a is studiantis po favoressi su diritu a su stùdiu.

1. BUSSA DE STÙDIU REGIONALI A.S. 2021/2022 (L.R. 5/2015) Po totu is studiantis de is scolas pùblicas primàrias e segundàrias de primu e de segundu gradu (francu po is chi ant giai pigau sa bussa de stùdiu natzionali po s’annu 2021/2022), cun unu nùcleu familiari cun d-un’ISEE totunu o prus bàsciu de 14.650 èurus (po sa scola pùblica primària e segundària de primu e de segundu gradu sunt esclùdius is chi ant pigau sa bussa de stùdiu natzionali po s’annu 2021/2022).
2. BONUS LIBRUS (a. s. 2022/2023) Po totu is studiantis de is scolas segundàrias de primu e segundu gradu,

cun unu nùcleu familiari cun d-un’ISEE totunu o prus bàsciu de 20.000 èurus.

COMENTI FAI A PRESENTAI SA DOMANDA

Sa domanda tocat a dda presentai a su Comunu de residèntzia a intru de su 4 de donniassantu de su 2022: dda podit presentai su genitori, su rapresentanti legali de su studianti o su studianti e totu si tenit is 18 annus fatus, compilendi su mòdulu cuncordadu aposta e ponendinci paris is àterus documentus pedius:

1. sa fotocòpia de s’ISEE in cursu de valididadi cunformas a sa normativa de su DPCM n.159/2013;
2. Sa fotocòpia de unu documentu de chini presentat sa domanda;
3. Sceti po su bonus librus: is documentus chi cumprovant sa spesa fata (scontrinus, ricevutas, faturas).

MÒDULUS E INFORMUS

Is mòdulus po presentai sa domanda fait a ndi ddus scarrigai de su giassu istitutzionali de sa Regioni Sardìnnia: www.regione.sardegna.it o in deretura de su giassu istitutzionali de su Comunu de residèntzia.