Regione Sardegna
Custa editzioni de su festival literàriu “Raccontami tutto dal principio, per favore…”, cuncordau de su servìtziu bibliotecàriu de s’Unioni de is Comunus de sa Baddi Bàscia de su Tirsu e de su Grìghini, est arribada a s’acabbu.
S’ùrtimu atòbiu s’at a fai cenàbura, su 21 de santuaini a is 18.00, in su Tzentru sotziali de Siapicia. Matteo Porru at a presentai su romanzu cosa sua “MadreOmbra” essiu in su 2019. Ant a fueddai paris a s’autori Cristian Mannu e Rossana Ortu.
A prus de presentai su libru, s’autori, chi s’est apassionau a sa scritura candu fiat ancora unu piciocheddu, at a giai consillus pràticus in contu de comenti si fait a scriri unu libru e a ddu proponni a is domus imprentadoras.
Matteo Porru est nàsciu in Roma in su 2001. Mancari siat giòvanu meda at giai scritu sàgius, contus e publicau 3 romanzus. A intru de is àterus prèmius literàrius at bintu su “Premio Campiello sezione giovani” in su 2019.