Regione Sardegna
Sa Responsàbili de s’Àrea Sòtziu – Culturali
FAIT A SCIRI A TOTU IS INTERESSAUS
Ca in esecutzioni de sa Determinatzioni de s’Ufìtziu n. 176 de su 12.10.2022, fait a presentai is domandas po s’ “Assènniu de nàscida” po s’annu 2022.
S’assènniu de nàscida est unu contributu, po is nùcleus familiaris chi bivint o nci càmbiant sa residèntzia issoru a su Comunu de Simaghis, po dònnia fillu nàsciu, adotau o in afidu preadotivu in su 2022 e finsas a candu su pipiu fait is cincu annus o finsas a candu acabbat s’afidu, si acabbat innantis chi su pipiu fatzat is cincu annus.
A chini est destinau su contributu e ita tìtulus tocat a tenni
Podint presentai domanda po s’ “assènniu de nàscida” is nùcleus familiaris, cun d-unu genitori puru, e is famìllias.
Sa domanda po arriciri su cuntributu “Assènniu de nàscida” dda depint firmai ambaduus genitoris; si chini ndi fait domanda est unu sceti depit decrarai de ai presentau sa domanda cunformas a cantu cumandant is dispositzionis in contu de responsabilidadi genitoriali.
De cantu est su contributu
Su contributu fait a ddu pigai mancari si arricint agiudus finantziàrius de àtera genia ma po su pròpiu scopu.
Su tanti de dinari chi s’at a giai est de 600 èurus a su mesi po su primu fillu a prus de 400 èurus a su mesi po dònnia fillu a pustis de su primu.
Comenti si giait su contributu
Su contributu ddu giait, a is chi ndi tenint diritu, su Comunu de residèntzia, chi ddu acreditat in banca po mesu de s’ IBAN inditau in su mòdulu de domanda e cunformas a su tanti inditau in su bandu.
IS DOMANDAS DIAT A ESSI MELLUS A DDAS PRESENTAI IN VIA TELEMÀTICA, impreendi sa modulìstica a disponimentu in su giassu comunali a s’indiritzu www.comune.simaxis.or.it, e chi fait a ndi arretirai in paperi in deretura in Comunu.
IS DOMANDAS, BOLINT PRESENTADAS A S’UFÌTZIU PROTOCOLLU DE SU COMUNU DE SA DII CHE EST ESSIU S’AVISU E FINSAS A SU 31.12.2022.
Po totu is àterus informus fait a ligi s’avisu cumpletu o a pregontai in s’Ufìtziu de is Servìtzius Sotzialis -Ufìtziu Servìtzius Sòtziu-Culturalis su lunis, mèrcuris e cenàbura de is 10.30 a is 13.00
Tel. : 0783/4069204 – 0783/4069206-215
E-mail: Questo indirizzo email è protetto dagli spambots. È necessario abilitare JavaScript per vederlo. -PEC: Questo indirizzo email è protetto dagli spambots. È necessario abilitare JavaScript per vederlo.
Sa D.G.R. n. 28/22 de su 9 de cabudanni de su 2022, e is allegaus, s’agatant publicaus in su giassu: https://delibere.regione.sardegna.it/protected/61534/0/def/ref/DBR61473/