Regione Sardegna
Si fait a sciri a totu is interessaus ca fait a fai domanda po pigai parti a sa seletzioni pùblica ùnica po formai un’elencu de idòneus a essi pigaus in is ruòlus de s’Amministratzioni de s’Unioni de is Comunus de sa Baddi Bàscia de su Tirsu e de su Grìghini e de is Comunus aderentis, a tempus determinau e po diferentis figuras professionalis.
Is figuras professionalis sunt:
- Istrutori amministrativu contàbili cat. C.
- Istrutori diretivu amministrativu contàbili cat. D.
- Istrutori tècnicu cat. C.
- Istrutori diretivu tècnicu cat. D
- Operaju tècnicu manutentivu specializau cat. B3
- Istrutori diretivu operadore sotziali, cat. D
S’Avisu de seletzioni ùnica in forma agregada, s’agatat publicau in sa Gazeta Ufitziali de sa Repùblica italaina- sa de 4 Sèries Spetziali “Cuncursus e esàminis” e in s’Albu pretòriu online de de s’Unioni de is Comunus de sa Baddi Bàscia de su Tirsu e de su Grìghini e, cunformas a s’art. 19 de su DPR 33/2013, in sa suta setzioni “Bandus e cuncursus” de sa setzioni “amministratzioni trasparenti” de su giassu internet a s’indiritzu https://www.unionevalletirsogrighine.it/l-amministrazione/amministrazione-trasparente?own e in sa pàgina printzipali de s’Unioni de is Comunus.
Sa domanda, paris a totu is àterus documentus de nci allegai, bolit presentada po mesu de sa PEC intestata a chini pigat parti a sa seletzioni e mandada a s’indiritzu Questo indirizzo email è protetto dagli spambots. È necessario abilitare JavaScript per vederlo. scriendi in s’ogetu “NÒMINI E SANGUNAU candidadura po iscritzioni a sa lista de is idòneus po PROFILU GIUSTU”.
Sa domanda bolit mandada a intru de 30 diis, cumentzendi a contai de sa dii a pustis de cussa chi s’avisu est essiu in sa Gazeta Ufitziali de sa Repùblica italiana – sa de 4 Sèries Spetziali “Cuncursus e esàminis”, ant a essi pigadas in cunsideru sceti is domandas mandadas a intru de is 22.00 de sa dii stabilèssia po sa scadèntzia.
Si sa dii de scadèntzia po nci mandai sa domanda online ferit in dii de festa, su tempus est perlongau a su primu dii non festivu a pustis de cussu.
Is domandas presentadas in manera diferente de cussa stabilèssia, (po modu de nai giadas in deretura a manus a sa sea de s’Unioni de is Comunus), no ant a essi pigadas in perunu cunsideru.
Su bandu cumpletu in italianu, su mòdulu de domanda e is àterus allegaus, a prus de su giassu istitutzionali de s’Unioni, s’agatant publicaus finsas in su giassu istitutzionali e/o in s’Albu pretòriu de totu is Comunus aderentis.
Po informus fait a telefonai a su nùmeru: 0783.405448 o a scriri a s’indiritzu e-mail Questo indirizzo email è protetto dagli spambots. È necessario abilitare JavaScript per vederlo.