Regione Sardegna
Si fait a sciri a totu is interessaus ca sa Giunta Regionali, cun Deliberatzioni n. 28/22 de su 09/09/2022, at autorizau a giai contributus, in forma de assènniu mensili, po su 2022 e po is annus imbenientis finas a is 5 annus de su pipiu, in favori de is nùcleus familiaris residentis o chi nci càmbiant sa residèntzia issoru a unu comunu cun d-una populatzioni chi non propassat is 3.000 bividoris (a su 31.12.2020) po dònnia fìllu/a nàsciu/a, adotau/a o in afidu abetendi de ddu podi adotai.
Podint presentai sa domanda po s’ “assènniu de nàscida” is nùcleus familiaris, cun d-unu genitori sceti puru. Is genitoris destinatàrius de custu contributu econòmicu depint tenni custus tìtulus:
- essi tzitadinus italianus o de unu stadu membru de s’Unioni Europea o de una natzioni chi non fait parti de s’Unioni Europea, chi tenint su permissu de sogiorno in règula candu essit s’avisu de su Comunu de Zrofolliu;
- essi residentis in su Comunu de Zrofolliu a su 31 de nadali de su 2020;
- nc’ai cambiau sa residèntzia a su Comunu de Zrofolliu e nci dda lassai, po assumancus 5 annus, paris a sa domu de bivi, sinuncas non si tenit prus diritu a su cuntributu;
- tenni unu o prus fillus a càrrigu, nàscius in su 2022, o in adotzioni puru o in afidu;
- essi bivendi paris cun su fillu nàsciu o adotau o in afidu in su 2022, e bivi me in su Comunu de Zrofolliu;
- no essi bivendi abusivus in un’allògiu pùblicu;
- essi meris de una domo chi s’agatat in su Comunu de Zrofolliu, o ndi tenni sa disponibilidadi cun cuntratu de afitu, de comodau o simigianti. Sa domu depit essi sa pròpiu su cantu totu durat su tempus de su cuntributu;
- tenni sa responsabilidadi de genitori e/o sa tutela legali.
Si benit a amancai unu de custus tìtulus si perdit a su pròpiu tempus su diritu a tenni su contributu.
Sa domanda po arriciri su cuntributu “Assènniu de nàscida” dda depint firmai ambaduus genitoris; si chini ndi fait domanda est unu sceti depit decrarai de ai presentau sa domanda cunformas a cantu cumandant is dispositzionis in contu de responsabilidadi genitoriali.
Duncas podit presentai sa domanda:
- su genitori chi tenit sa responsabilidadi genitoriali;
- s’afidatàriu in casu de afidu;
- su rapresentanti legali de su genitori in casu de genitori minorenni o chi no est in gradu de cumprendi;
- su Tutori chi s’Autoridadi giuditziària at incarrigau po ndi pigai su dinari destinau a is minoris.
Su cuntributu s’at a giai cunformas a s’òrdini chi ant a arribai is domandas e finsas a candu at a bastai su dinari chi at giau s’Assessorau Regionali.
Su tempus po mandai sa domanda scadit su 30 de donniassantu de su 2022 a sa una (h. 13.00).
Totu is documentus fait a ddus giai a manus a s’Ufìtziu de su Protocollu, o finsas a nci ddus mandai a sa posta eletrònica a unu de custus indiritzus: Questo indirizzo email è protetto dagli spambots. È necessario abilitare JavaScript per vederlo. ; Questo indirizzo email è protetto dagli spambots. È necessario abilitare JavaScript per vederlo.
In su giassu istitutzionali de su Comunu de Zrofolliu s’agatat publicau s’avisu in italianu e fait a ndi scarrigai su mòdulu de domanda e is àterus allegaus.