Unione dei Comuni della Bassa Valle del Tirso e del Grighine

S’Amministratzioni comunali de Ollasta, cun deliberatzioni de sa Giunta Comunali n. 67 de su 06.10.2022 at stabiliu is critèrius po giai assènnius de mèritu a is studiantis chi ant frecuentau, in s’annu de scola 2021/2022, sa de tres classis de sa scola mèdia e is scolas mannas pùblicas e paritàrias puru.

Totu is interessaus (genitoris de is studiantis o is studiantis e totu si tenint 18 annus fatus) depint presentai sa domanda, in su mòdulu aprontau dae su Comunu (chi fait a pediri in is Ufìtzius comunalis o a ndi scarrigai in deretursa de su giassu istitutzionali de su Comunu www.comune.ollastra.or.it ) a intru de su 28 de santuaini de su 2022.

Sa domanda fait a dda presentai in d-una de custas maneras:

• po mesu de sa PEC personali a s’indiritzu Questo indirizzo email è protetto dagli spambots. È necessario abilitare JavaScript per vederlo.;
• in sa mail ordinària a unu de custus indiritzus: Questo indirizzo email è protetto dagli spambots. È necessario abilitare JavaScript per vederlo. o Questo indirizzo email è protetto dagli spambots. È necessario abilitare JavaScript per vederlo.
• a manus ghetendi.nci.dda a sa cascitedda de is lìteras chi s’agatat a foras de su Comunu

S’ in casu sa domanda si nci mandit in sa mail ordinària si consillat de tzerriai a Comunu po s’assegurai chi dd’apant arricia (Tel.: 0783 409000 – int. 1, cellulare de servìtziu: 3474199945)

No ant a essi pigadas in perunu cunsideru is domandas chi arribant a pustis de su tempus stabiliu po sa scadèntzia.

Paris a sa domanda chi depit portai s’aututzertificatzioni cun su/is votu/us pigaus in s’annu scolàsticu 2021/2022, tocat a ponni puru sa decraratzioni ISEE in cursu de valididadi a su 28.10.2022. Su Responsàbili de su protzedimentu at a fai un’elencu de is benefitziàrius e de is chi no ant a arriciri su benefìtziu, chi s’at a apicai a s’Albu pretòriu po 10 diis a vatu de pari, a intru de cussu tempus at a fai a presentai arricursu.

Is mòdulus po fai sa domanda sunt a disponimentu in su giassu istitutzionali de su Comunu www.comune.ollastra.or.it o fait a ddus pediri a s’indiritzu Questo indirizzo email è protetto dagli spambots. È necessario abilitare JavaScript per vederlo. o a su nùmeru 3474199945.

Su bandu cumpletu in italianu fait a ddu ligi in su giassu istitutzionali de su Comunu de Ollasta innui s’agatat publicau.