Regione Sardegna
Sa Fondazione Sardegna Film Commission ghetat su bandu po giai bussas de stùdiu a istudiantis nàscius e/o residentis in Sardìnnia chi bolint frecuentai cursus de tzìnema, audiovisivus, animatzioni, in scolas de tzinema famadas e de importu, in Itàlia o in èsteru, po si nci pigai tìtulus de perfetzionamentu o de specializatzioni.
Su tanti de sa bussa de stùdiu non podit propassai is 5.000 èurus po frecuentai cursus in Sardìnnia e is 10.000 èurus po frecuentai cursus in Itàlia o in un’àtera natzioni europea o foras de s’Europa puru, po unu mesi mìnimu. Sa bussa de stùdiu at a serbiri po is spesas documentadas de s’iscritzioni/frecuèntzia, po s’ acasàgiu e po su biàgiu.
Podit pigai parti a s’avisu chini a intru de sa scadèntzia de su bandu:
- tenit sa residèntzia in Sardìnnia de 5 annus nessi;
- tenit su tìtulu de stùdiu pediu po s’iscritzioni a su cursu chi bolit frecuentai e, a ònnia modu tocat a tenni su diploma de scola mèdia superiori;
- non tenit 35 annus fatus candu presentat sa domanda.
Sa domanda de partetzipatzioni, at a essi pigada in cunsideru sceti si:
compilada in carta simpli e in su mòdulu a posta; firmada in originali o cun sa firma digitali e presentada paris a sa còpia de unu documentu de identidadi chi non siat scadiu.
Sa domanda depit arribai a intru, e no a pustis, de su 13 de santuaini de su 2022 a sa una (h.13.00) a sa Posta Eletrònica Tzertficada PEC (còpia digitali) a s’indiritzu: Questo indirizzo email è protetto dagli spambots. È necessario abilitare JavaScript per vederlo.
Po totu is àterus informus e po castiai e ndi scarrigai is documentus e is allegaus fait a intrai a su giassu istitutzionali de sa Regioni Autònoma de Sardìnnia