Regione Sardegna
Si fait a sciri a is interessaus ca a intru de su 18 de santuaini de su 2022 fait a presentai is domandas po su programma “mesuras de apretu po sa solidariedadi alimentari e de agiudu a is famìllias po pagai sa pesoni de domu e is spesas de is utèntzias de domu cunformas a su decretu lei n.73 de su 25 de maju de su 2021 e mudau in lei n.106 de su 23 de trìulas de su 2021” chi giait unu contributu/bonus de impreai po:
- comporai benis alimentaris de primu netzessidadi (francu cosa alcòlica, superalcòlica, tabacu e billetus de su “gratta&vinci”);
- pagai is bulletas de domu po su servìtziu de sa currenti elètrica, gas, àcua e TARI, giai scadias o a canta de scadessi;
- pagai sa spesa de sa pesoni de domu sceti si no nc’est sa possibilidadi de dda pagai po mesu de àteras misuras pùblicas a posta po cussu (cuota afitus RdC, previdia de su D.L. 4/2019 cunvèrtiu cun mudaduras in L. 26/2019 e art.11 de sa L. n. 431/1998);
Sa domanda de contributu, compilada comenti si depit e cun totu is allegaus pedius, fait a dda presentai sceti cumentzendi de sa dii chi essit s’avisu pùblicu e a intru de su 18 de santuaini de su 2022. Fait a dda giai a manus a s’Ufìtziu de su protocollu de su Comunu de Siamanna, o fait a nci dda betai, in d-una busta serrada, a sa cascitedda de sa posta chi s’agatat in foras (a canta a s’intrada de su Comunu), oghinou fait finsas a nci dda mandai a s’indiritzu PEC de su Comunu de Siamanna Questo indirizzo email è protetto dagli spambots. È necessario abilitare JavaScript per vederlo. o a s’indiritzu Questo indirizzo email è protetto dagli spambots. È necessario abilitare JavaScript per vederlo. in su mòdulu aprontau a posta de su Comunu e chi fait a ndi scarrigai de su giassu www.comune.siamnna.it o in Munitzìpiu (de s’esposidori chi s’agatat a chirru de foras).
Paris a sa domanda tocat a nci ponni custus àterus documentus puru:
- sa còpia de unu documentu de identidadi chi non siat scadiu;
- sa còpia de s’ISEE de su 2022;
- còpia de su cuntratu de afitu e de is ritzevutas de pagamentu (sceti si si pregontat su contributu po pagai sa pesoni de domu)
Po totu is àterus informus chi pertocant s’avisu fait a pregontai in s’Ufìtziu de s’assistenti sotziali, telefonendi a su nùmeru: 0783/449000 int. 2 o mandendi una e-mail a: Questo indirizzo email è protetto dagli spambots. È necessario abilitare JavaScript per vederlo..
S’avisu pùblicu e su mòdulu de domanda s’agatant publicaus in s’Albu pretòriu on line e in su giassu istitutzionali de su Comunu de Siamanna.