Regione Sardegna
Su territòriu de sa Baddi Bàscia de su Tirsu e de su Grìghini cun is Comunus de Àllai, Ollasta, Siamanna, Siapicia, Simaghis, Biddanoa Truschedu, Zrofolliu sunt prontus a intrai in sa fasi atuativa de is progetus de svilupu territoriali.
Su 28 de cabudanni de su 2022 in su Tzentru Sotziali de Simaghis nc’est stètiu s’atòbiu cun Giuseppe Fasolino, Assessori a sa Programmatzioni e a su Bilànciu de sa Regione Autònoma de Sardìnnia, po firmai is acòrdius de programma po su progetu de svilupu de su territòriu “Parcu de sa Baddi Bàscia de su Tirsu e de su Grìghini”
A su progetu de su “Parcu de sa Baddi Bàscia de su Tirsu e de su Grìghini” sunt destinaus 3 milionis e 200 milla èurus, partzius in interventus de diferenti genia, po avalorai is atratoris culturalis e ambientalis cun fainas studiadas po valorizai su patrimòniu stòricu-culturali, ambientali e identitàriu de su territòriu, cun percursus de bisita integraus chi potzant atirai turistas a nou (1.383.000 de èurus) e po servìtzius destinaus a totu sa populatzioni (1.617.000 de èurus).
“Depeus fai a manera chi is Unionis de is Comunus diventint agregatzionis mannas po cumpartziri servìtzius, giai oportunidadis noas de svilupu, melliorai sa vida de is tzitadinus e sa calidadi econòmica de is comunidadis po fai a manera chi nemus si nci depat prus andai de bidda sua”, at nau aici s’assessori Fasolino in Simaghis arresonendi de is potentzialidadis de is progetus de programmatzioni territoriali chi podint essi una manera po parai fronti a su spopulamentu e a s’isulamentu de is territòrius.
Po àterus informus fait a intrai a su giassu istitutzionali de sa Regione Autònoma de Sardìnnia.