Regione Sardegna
Su Comunu de Zrofolliu at a giai unu contributu in dinari una tantum a is impresas cummercialis e a is atividadis artigianalis po ddas agiudai a parai fronti a is efetus de is bulletas caras meda. Dd’at stabiliu sa Giunta ghiada de su sìndigu Pinuccio Chelo.
Is cummerciantis e is artigianus podint presentai a s’Ufìtziu de su Protocollu de su Comunu una còpia de is bulletas de is annus 2021/2022 aici, cun custus datus in manus, s’amministratzioni podi cumprendi de cantu est stètiu s’aumentu chi ant tentu e ita dannu ddis at cumportau.
Su tempus po presentai sa còpia de is bulletas de is annus 2021/2022 est perlongau, francu chi no essat àteru avisu a nou, a su 20 de santuaini de su 2022.
Chini at giai presentau sa domanda puru dda podit cumpletai aciungendi àterus documentus sèmperi a intru de su 20 de santuaini de su 2022.