Regione Sardegna
Si fait a sciri a totu is interessaus ca s’Assessorau a is Servìtzius sotzialis de su Comunu de Àllai est cuncordendi una gita sotziali chi s’at a fai su 15 de santuaini de su 2022.
S’at a movi de pratza de Comunu a is 7.00 de mangianu cara a Porto Flavia a innui si diat a depi arribai a is 09.00 oras e a is 10.00 at a cumenztai sa bisita a is minieras.
A mesudii e mesu s’at a prandi in sa Locanda “L’Agusteri” de Nèbida.
A is 15.00 de merii si partit a Antas po castiai su Tèmpiu e a pustis si movit a Frùmini Majori po andai a biri su museu de su mòlinu a àcua. A is 18.00 de merii si torrat a tzucai po furriai a bidda.
Po pigai parti a sa gita tocat a si nci scriri a intru de mèrcuris 12 de santuaini a sa una (h.13.00). Su nùmeru mìnimu de scritus est de 40 personis.
Su tanti de pagai est de 50 èurus peròmini (postaleddu e bulleti po intrai a is minieras, pràngiu in locanda, bulleti po su Tèmpiu de Antas e po su museu archeològicu). Su dinari s’at a arregolli su mangianu de sa gita.
Po informus e iscritzionis fait a telefonai a custus nùmerus:
- Marika Urru- Assessori a is servìtzius Sotzialis 328.8769825
- Gabriella Pilloni- collaboradori amministrativu 0783/6813 int.1
- Graziella Vedele – opeardori sotziali 0783/6813 int.4
- Norma Deidda- Responsàbili de is servìtzius sotzialis 0783/6813 int.3
Su manifesteddu in italianu cun totu is cuntatus poi s informus e si nci scriri a sa gita s’agatat publicau in sa pàgina FB de su Comunu de Àllai