Regione Sardegna
Si fait a sciri a totu is interessaus ca fait a presentai domanda po s’agiornamentu de s’Albu de is Presidentis e de is scrutadoris de sègiu eletorali.
Po s’agiornamentu de s’Albu de is Presidentis de sègiu eletorali is domandas bolint presentadas a intru de su 31 de santuaini de su 2022.
Po podi fai su Presidenti de sègiu eletorali tocat a tenni intra de is 18 e 70 annus, a essi scritus in is listas eletoralis de su Comunu e a tenni unu tìtulu de stùdiu no prus bàsciu de su Diploma de scola segundària de segundu gradu (Lei de martzu de su 1990, n. 53, art. 1 comma 3).
Is mòdulus po fai sa domanda fait a ddus pediri in deretura in s’Ufìtziu eletorali de su Comunu de residèntzia o a ndi ddus scarrigai de su giassu istitutzionali de su Comunu.
Po s’agiornamentu de s’Albu de is scrutadoris de sègiu eletorali is domandas bolint presentadas a intru de su 30 de donniassantu de su 2022.
Cunformas a s’art. 9 comma 2 Lei 120/1999, po podi fai su scrutadori tocat a essi scritu in is listas eletoralis de su Comunu, a tenni intra de is 18 e is 70 annus e a ai acabbau s’òbligu formativu.
Is mòdulus po fai sa domanda fait a ddus pediri in s’Ufìtziu eletorali de su Comunu de residèntzia o a ndi ddus scarrigai de su giassu istitutzionali de su Comunu.
Est pretzisu a nai ca chi est giai scritu a s’Albu no depit torrai a presentai domanda.