Regione Sardegna
Sa comunidadi de Àllai pigat parti a is bandus po su svilupu locali. S’atòbiu po totu is tzitadinus interessaus est cenàbura 16 de cabudanni de su 2022 a is seti de merii in Pratza de is ballus po chistionai de: Comunidadi, Impresas, Assòtzius.
Comunidadi. Sunt previdius finantziamentus importantis po melliorai sa calidadi de sa vida de is famìllias, de is giòvanus e de is antzianus. Resursas a posta sunt a disponimentu po sa viabilidadi, po su patrimòniu edilitziu pùblicu, po is struturas sportivas e giassus po atòbius e po traballai paris.
Impresas. Finantzimentus meda e de importu sunt destinaus a afortiai is impresas e a favoressi sa nàscida de fainas imprenditorialis a nou in totu is setoris de produsidura: turismu, laurera, artigianau, servìtzius e cummèrtziu.
Assòtzius. A is assòtzius e a su voluntariau sunt destinadas misuras spetzìficas po favoressi su intrai in parti de is tzitadinus a sa vida de sa comunidadi e po avalorai is resursas stòricas, ambientalis e culturalis de su territòriu.
Po totu is informus fait a tzerriai a su nùmeru: 0783.609001