Regione Sardegna
Dònnia annu su 16 de cabudanni is biddanoesus festant a Santu Millanu in sa cresiedda sua a pagu tretu de sa bidda. Is novenas sunt incumintzadas su 8 de cabudanni e ant sighiu finsas a su 14.
Su 15 de cabudanni, sa dii de su bèspuru, e sa dii avatu si fai sa prufessoni acumpangiada ocannu de is sonus de s’organetu de Giuseppina Duras.
Su comitau chi s’est incurau de sa festa religiosa at cuncordau finas cussa tzivili cun spetàculus teatralis, grupus ètnicus e mùsica.
Su 16 de cabudanni a is 22.00 unu spetàculu de cabaret e sàbudu 17, sèmpiri a is 22.00, sa festa acabbat cun su cuntzertu de su grupu Kàntidos.
Su comitau torrat gràtzias a s’Amministratzioni comunali, a sa Pro Loco, a is sponsor e a totu is paesanus po s’agiudu issoru e àugurat a totus a Atrus annus mellus!