Regione Sardegna
Sa Fondazione Sardegna Isola del Romanico a manus de pari cun su FAI Sardegna at cuncordau sa primu editzioni de Is diis de su Romànicu in Sardìnnia.
Sunt prus de 50 in totu sa Sardìnnia is crèsias romànicas chi ant a essi abertas in is duus coas de cidas imbenientis (su 10 e su 11, su 17 e su 18 de cabudanni) e 15 de custas crèsias sunt pròpiu in provìntzia de Aristanis.
De un’annu e prus sa Fondazione Sardegna Isola del Romanico, chi contat 86 comunus in totu, est incurendi.sì de mandai a innantis fainas de promotzioni culturali po fai a connosci is 150 e prus monumentus de època medievali chi s’agatant me in s’ìsula nosta.
Custa manifestatzioni bollit essi una manera de fai a connosci, a cantu prus genti chi fait, e de nci ddus portai a biri is diferentis espressionis artìsticas de su romànicu sardu, cumentzendi de is catedralis prus mannas finsas a is cresieddas fraigadas in logu de sartu, patrimòniu stòricu de s’identidadi e de sa religiosidadi de is comunidadis localis.
S’Amministartzioni comunali de Simaghis e s’Assessorau a sa Cultura e Istrutzioni Pùblica invitant a totus a lompi sàbudu 10 de cabudanni a Sant’Eru de Còngius (de is 10.00 a is 13.00 de mangianu e de is 16.00 a is 19.00 de merii) po connosci sa stòria de sa biddixedda antiga e is crèsias suas.
Po totu is àterus informus e po ligi totu su programma cumpletu de sa manifestatzioni cun is biddas, is crèsias e is oràrius de bisita fait a intrai a su giassu https://www.romanicosardegna.org/comunicazione/notizie/notizia/Al-via-la-prima-edizione-delle-Giornate-del-Romanico-in-Sardegna/