Regione Sardegna
Sa Responsàbili de s’àrea Amministartiva e Sòtziu-Culturali fait a sciri a is interessaus ca fait a fai domanda po essi ammìtius a su programma regionali R.E.I.S - Rèdditu de inclusioni sotziali-agiudu torrau- Segundu parti, chi previdit de giai agiudus econòmicus destinaus, primu de totus is àterus, a personis e famìllias residentis o domitziliadas in su Comunu de Siamanna chi non tenint tìtulus po su REIS e po su RDC (o àteras formas de agiudu) e chi s’agatant in una situatzioni sòtziu-econòmicu dificultosa meda po mori de is cunsighèntzias de sa pandemia de sa COVID-19.
SU TEMPUS PO PRESENTAI SA DOMANDA SCADIT SU 20 DE CABUDANNI DE SU 2022.
Sa domanda, paris a totu is àterus documentus spetzificaus in s’Avisu pùblicu, bolit presentada impreendi sceti su mòdulu aprontau de su Comunu; fait a dda giai in deretura a manus a s’Ufìtziu Protocollu de su Comunu de Siamanna o a nci dda ghetai, in d-una busta serrada, a sa cascitedda de sa posta chi s’agatat a foras de su Comunu, oghinou fait a dda mandai a s’indiritzu de posta eletrònica tzertificada: Questo indirizzo email è protetto dagli spambots. È necessario abilitare JavaScript per vederlo., o a s’indiritzu de posta eletrònica ordinària: Questo indirizzo email è protetto dagli spambots. È necessario abilitare JavaScript per vederlo.
Su mòdulu po presentai sa domanda fait a ndi ddu scarrigai de su giassu istitutzionali de su Comunu www.comune.siamnna.it o a ndi ddu arretirai in deretura in Comunu (de su esposidori chi s’agatat a chirru de foras a canta a s’intrada).
Po totu is àterus informus chi pertocant s’avisu fait a pregontai in s’Ufìtziu de is Servìtzius Sotzialis tzerriendi a su nùmeru: 0783/449000 int. 2 e/o scriendi a s’indiritzu mail: Questo indirizzo email è protetto dagli spambots. È necessario abilitare JavaScript per vederlo.
S’avisu in italianu e su mòdulu de domanda s’agatant publicaus in su giassu istitutzionali de su Comunu de Siamanna.