Regione Sardegna
Sa bidda de Ollasta est devota meda a Santu Nàtziu de Làconi e ddu festat dònnia annu. Ocannu a cuncordai sa Festa tzivili e religioca de Santu Nàtziu est tocau a is fedalis de su “72 cun s’agiudu de sa Pro Loco de Ollasta.
Duas diis de festa chi at cumentzai sàbudu 27 de austu cun sa cena a basi de petza de vitella a is otu de merii (s'at a pagai 5 èurus peròmini). A pustis su spetàculu musicali de is Dilliriana.
Domìnigu 28 de austu a is 10.30 sa prufessoni cun su Santu peri sa bidda e a is 11.00 sa missa manna. A s’acabu de sa missa su comitau de sa festa at a bogai unu cumbidu po totus.
Domìnigu a is 22.00 su spetàculu de is Tributo a De Andrè, De Gregori e Guccini e a mesu noti su DJ Sandro Murru.
Sa leva de su “72 bolit torrai gràtzias a s’Amministratzioni comunali, a is Fortzas de s’òrdini, a sa cumpangia de is barratzellus, a sa Pro Loco, a sa Cunfraria, a is cavalieris, a is prèides, a is sponsor, a totu sa bidda manna e a chini totu at agiudau a cuncordai sa festa….. augurendi a totus àterus annus mellus!