Regione Sardegna
Po cras a merii, sàbudu 27 de austu, s’assòtziu Fucilieri de Nostra Sennora de s’Arremèdiu de Siapicia at cuncordau, a manus de pari cun sa Pro loco locali sa faina “Gioca che ti passa”, unu merii totu de giogus antigus de sa traditzioni po si spassiai impari mannus e pipius.
S’apuntamentu po totus is chi nci ant a bolli pigai parti a custa faina est in pratza de Garibaldi, in Siapicia, cumenzendi de is ses de merii.
Po si nci scriri is mannus pagant 5 èurus, is pipius invècias non pagant nudda.
Su dinari chi s’at a arregolli s’at a ponni po cuncordai sa festa de Nostra Sennora de s’Arremèdiu chi est a canta de arribai.