Regione Sardegna
In ocasioni de s’Austu Simaghesu s’Amministratzioni comunali e s’ Assessorau a sa Cultura invitant a totu is tzitadinus, sàbudu 27 de austu me in Pratza de Santu Atzei a is 21.00, a su cuntzertu de su “Quintetto Sardò” de su Teatru Lìricu de Casteddu.
Chiara Atzori, Assessori a sa Cultura e a s’Istrutzioni pùblica de su Comunu de Simaghis at sutalineau s’importu sotziali e educativu mannu de sa mùsica. S’amministratzioni de Simaghis traballat giai de annus meda cun sa Scola Tzìvica de Mùsica “Alessandra Saba” de Marrùbiu e promovit fainas de importu a favori de is tzitadinus po sensibilizai sa comunidadi a sa mùsica e po fai nasci me in prus giòvanus sa passioni po cust’arti.