Unione dei Comuni della Bassa Valle del Tirso e del Grighine

Cenàbura 12 de austu 2022 a is ses e mesu de merii, in su Tzentru polifuntzionali de Zrofolliu, is archeòlogus e is ghias turìsticas de su progetu "Paesaggi della Bassa Valle del Tirso e del Grighine" s’ant a incurai de fai a connosci a is presentis is datus de is circas fatas, e chi sunt sighendi a fai, in su territòriu de s’Unioni de sa Baddi Bàscia de su Tirsu e de su Grìghini.

At a essi presenti e a moderai sa cunferèntzia Giuseppe Maisola, archeòlogu e coordinadori de su progetu.

A s’acabbu de sa cunferèntzia sa Pro Loco de Zrofolliu at a cuncordai una cena. Chini est interessau ddu depi fai a sciri a intru de su 11 de austu tzerriendi a su nùmeru: 3496543176

Su progetu "Paesaggi della Bassa Valle del Tirso e del Grighine", forsis un’unicum in Sardìnnia, est nàsciu in su 2017 cun sa tarea de studiai, avalorai e defensai su patrimòniu stòricu archeològicu de is biddas de s’Unioni.

Su stùdiu scientìficu de su territòriu est acapiau e acumpangiau a àteras atividadis culturalis de importu po fai a connosci a totus is bellesas stòricu-archeològicas de custu giassu de Sardìnnia chi bolint defensadas e avaloradas e podint essi una manera de fai cresci su turismu e s’economia locali puru.

Po ligi su programma cumpletu e po essi sèmpiri informaus de su traballu chi fait s’assòtziu fait a intrai a sa pàgina FB cosa sua https://www.facebook.com/archeologiabassavalledeltirso/