Unione dei Comuni della Bassa Valle del Tirso e del Grighine

In su coru de sa bidda antiga de Àllai s’at a torrai a fai ocannu puru sa traditzionali sfida gastronòmica po totu is apassionaus de coxina. Sa manifestatzioni “Spaghetti musicali” dd’at cuncordada su Comunu de Àllai a manus de pari cun su Teatro del segno e su sponsor ufitziali est s’azienda de is Fradis Cellino, chi at a giai is produtus de su pastifìtziu cosa sua po cuncordai arretzetas originalis, e unas cantas cantinas de su territòriu.

A su cuncursu ddoi podint pigai parti totu is apassionaus de coxina, cuocus non professionistas chi ddis praxit a fai a papai e a s’imbentai arretzetas noas e originalis cun sa pasta chi ponit a disponimentu su sponsor.

Una giuria de professionistas at a giai unu puntègiu a is mandiaris chi ant a arribai e at a premiai is primus tres mellus.

Totu is interessaus depint mandai sa domanda a intru de su 9 de austu a sa una (h.13.00).

Sa sfida s'at a fai su 10 de austu in Àllai e at a cumentzai a is dexi de merii in Pratza de is ballus.

Is candidaus ant a podi sceberai unu de is tipus de pasta chi ponit a disponimentu s’azienda de Cellino e ndi ddu podint arretirai candu presentant s’iscritzioni.

Po totu is informus: tel. 0783 6813 internu 1 o 3; mail: Questo indirizzo email è protetto dagli spambots. È necessario abilitare JavaScript per vederlo.; Pec: Questo indirizzo email è protetto dagli spambots. È necessario abilitare JavaScript per vederlo.

Su regulamentu cumpletu e su mòdulu po fai sa domanda (chi tocat a presentai a intru de su 9 de austu) fait a ndi ddu scarrigai de su giassu istitutzionali de su Comunu de Àllai o a ndi ddu arretirai in is Ufìtzius de su Comunu.