Regione Sardegna
At a cumentzai su 26 de trìulas in Àllai “Tra vermi e trolls”, laboratòrius creativus e fainas spassiosas po is pipius de 5 annus a incuru de s’assòtziu culturali Lughenè. Is fainas sunt in programma po su 26 de trìulas, su 2, su 3, su 17, su 30 e su 31 de su mesi de austu, de is 9.30 a is 11.00 de mangianu, in su parcu de is giogus de sa scola elementari bècia de Àllai.
Is laboratòrius sunt pensaus po is pipius de is 5 annus e prus ma nci podint pigai parti finsas is pipieddus de tres e cuatru annus sceti si ddus acumpangiat unu mannu.
S’avisu e su manifesteddu cun is diis e su programma de is fainas s’agatat publicau in su giassu istitutzionali de su Comunu de Àllai e in sa pàgina FB cosa sua.