Regione Sardegna
Si fait a sciri a is interessaus ca fait a presentai sa domanda po su programma regionali R.E.I.S. “Rèdditu de inclusioni sotziali - Agiudu Torrau” cunformas a sa lei regionali n.18 de su 2 de austu 2016, de sa D.G.R. 23/26 de su 22.06.2021 e de sa D.G.R. 34/25 de su 11.08.2021.
Sa domanda, paris a totu is documentus pedius, bolit presentada a intru de su 26 de austu de su 2022 a sa una (h.13.00), fait a dda giai a manus a s’Ufìtziu Protocollu de su Comunu o a nci dda mandai in sa posta cun d-una arrecumandada A/R oghinou a s’indiritzu de posta eletrònica de su Comunu Questo indirizzo email è protetto dagli spambots. È necessario abilitare JavaScript per vederlo..
Su mòdulu po fai sa domanda fait a ndi ddu scarrigai in deretura de su giassu www.comune.zerfaliu.or.it o a ndi ddu arretirai de s’esposidori chi s’agatat in foras a canta a s’intrada de munitzìpiu.
Paris a sa domanda est òbligu a ponni custus documentus (sena chi nci siant is documentus pedius sa domanda no at a essi pigada in perunu cunsideru):
- còpia de unu documentu de identidadi in cursu de valididadi de chini fait sa domanda;
- còpia de s’ISEE 2022;
- ritzevuta de presentatzioni de sa domanda po su Rèdditu de Tzitadinàntzia;
- ritzevuta de èsitu negativu o decadèntzia de su Rèdditu de Tzitadinàntzia;
- si unu pigat su Rèdditu de Tzitadinàntzia, autodecraratzioni de cantu tirat a su mesi;
- àterus documentus chi podint serbiri po valutai sa domanda (invalididadi tzivili, lei 104/92 etc).
Po totu is àterus informus chi pertocant s’avisu fait a pregontai a S’Ufìtziu de is Servìtzius Sotzialis, Assistenti sotziali Dot.ra Silvia Randazzo, tzerriendi a su nùmeru 0783.27000 o scriendi a sa e-mail Questo indirizzo email è protetto dagli spambots. È necessario abilitare JavaScript per vederlo.
Su bandu pùblicu in italianu s’agatat publicau in s’Albu pretòriu Online e in su giassu istitutzionali de su Comunu de Zrofolliu.