Regione Sardegna
In Àllai est giai totu prontu po sa de IV editzionis de su festival “Palcoscenici d’estate” chi torrat a pustis de duus annus chi est abarrau firmu po mori de sa pandemia. De su 16 de trìulas a su 20 de austu est in programma in sa bidda de Barigadu un’apuntamentu de importu mannu chi in medas fiant abetendi.
Su Sìndigu e totu s’Amministratzioni comunali ant scumìtiu in sa fortza de sa cultura. “Sa cultura est connoschèntzia, s’arti est una forma de cultura chi agiudat a cumprendi sa realtadi”, aici at nau Antoni Pili, sìndigu de Àllai.
Unu calendàriu prenu prenu de apuntamentus de importu de diferentis genias: mùsica, teatru, danza, tzìnema, atòbius cun autoris, circu contemporàneu, contus antigus e modernus, no ant a mancai is laboratòrius e garas gastronòmicas.
In sa pàgina FB de su Comunu de Àllai sa presentada de su festival chi at fatu Videolina unas cantas diis a immoi e s’intervista a su sìndigu.
Po ligi e ndi scarrigai su programma cumpletu de su festival fait a intrai a su giassu istitutzionali de su Comunu de Àllai innui s’agatat publicau.