Unione dei Comuni della Bassa Valle del Tirso e del Grighine

Su Comunu de Siapicia promovit sa primu editzioni de su cuncursu a prèmius “Siapicia da scoprire e visitare”. Sa tarea de su cuncursu est cussa de documentai cun fotografias e/o vìdeus: paesàgius, fràigus, arretratus, traballus, traditzionis, ainas o àterus particularis acapiaus a sa bidda de oi e de eriseru .Totu su materiali chi at a essi arregortu at a essi impreau po promovi sa bidda e at a essi allogau in archìvius istitutzionalis.

A su cuncursu podint pigai parti totu is chi sunt interessaus sena de depi pagai nudda.

Donniunu podit presentai non prus de 100 fotografias digitalis e 5 vìdeus. Su materiali nci bolit mandau a intru de su 15 de cabudanni a s'indiritzu mail Questo indirizzo email è protetto dagli spambots. È necessario abilitare JavaScript per vederlo., o giau a manus in Comunu cun una pinnighedda USB chi at a essi torrada luegus a su meri. Paris a su materiali bolit mandada o cunsinniada finsas sa domanda de partecipatzioni, cumpilada comenti si depit e firmada. Si a su cuncursu nci pigat parti unu minorenni sa domanda bolit firmada de unu de is genitoris.

Sa giuria, chi at a essi cumposta de genti chi connoscit beni meda su territòriu e sa stòria de Siapicia, at a premiai is primus tres regortas de fotografias e is primus tres arregortas de vìdeus ponendi in contu: sa particularidadi e sa rapresentatividadi de sa realtadi locali; sa calidadi de s’immàgini; su nùmeru de fotografias o vìdeus po dònnia arregorta; sa bellesa de su sugetu rapresentau e s’originalidadi.

Sa Giunta comunali at stabilèssiu de giai custus prèmius a is primus tres arregortas de fotografias e de vìdeos:

Su logu e sa dii de sa premiatzioni at a essi stabilida e fata a sciri a pustis.

Po totu is àterus informus fait a scriri a s’indiritzu: Questo indirizzo email è protetto dagli spambots. È necessario abilitare JavaScript per vederlo. o Questo indirizzo email è protetto dagli spambots. È necessario abilitare JavaScript per vederlo. o a tzerriai a su nùmeru 0783.449017

Su manifesteddu, su regulamentu cumpletu de su cuncursu e su mòdulu de iscritzioni s’agatant publicaus in su giassu istitutzionali de su comunu de Siapiccia.