Regione Sardegna
Si fait a sciri a is interessaus ca sa Regioni Autònoma de Sardìnnia cun Deliberatzioni de sa Giunta Regionali n. 48/46 de su 10.12.2021, cunformas a cantu dispostu in sa L.R. n.17 de su 22.11.2021, at aprovau su programma “Mi prendo cura”- Lìnias de indiritzu 2021-2023 po is benefitziàrius de su programma “Ritornare a casa Plus”. Cun custu programma sa Regioni Sardìnnia bolit giai un’agiudu econòmicu in prus po giai sa possibilidadi a is chi tenint disabilidadis gravis meda de gosai de is benefìtzius de custa mesura e, a is famìllias issoru, de parai fronti a is bisòngius chi non sunt arreconnotus in is mesuras sanitàrias e sotzialis ordinàrias.
Is destinatàrius de su programma regionali sunt is tzitadinus benefitziàrius de su Programma “Ritornare a casa Plus” in su 2022.
Sa domanda bolit presentada in is mòdulus aprontaus de su Comunu, chi fait a ndi scarrigai de su giassu istitutzionali www.comune.siapiccia.or.it o a pediri in s’Ufìtziu de is Servìtzius Sotzialis.
Su tempus po presentai sa domanda scadit:
- su 30 de austu de dònnia annu po torrai su dinari de su primu semestri de s’annu de riferimentu;
- su 28 de friàrgiu de dònnia annu po torrai su dinari de su de duus semestris de s’annu de riferimentu.
Po totu is informus fait a tzerriai a s’Ufìtziu de is servìtzius Sotzialis de su Comunu: 0783.449017
S’avisu in italianu s’agatat publicau in su giassu istitutzionali de su Comunu de Siapicia.