Regione Sardegna
Si fait a sciri a is interessaus ca de su 16 de làmpadas sunt abertas is pre-iscritzionis a sa scola Tzìvica de mùsica “Alessandra Saba”. Po si nci scriri ddu at tempus finsas a cenàbura 30 de cabudanni 2022. A pustis de su tempus stabiliu, is iscritzionis s’ant a pigai cun riserva, sena de podi assegurai ca sa domanda at a essi atzetada.
Ocannu puru fait a fai sa domanda de iscritzioni on.line. Duncas su dischenti si nci podit scriri in deretura de domu sua de su pc o de su telefoneddu, intrendi a su giassu de sa scola www.scuolacivicadimusicaalessandrasaba.it e de inguni a su link de is iscritzionis, innui at a agatai totu su materiali informativu puru.
A pustis de ai serrau is iscritzionis sa scola at a mandai a su Comunu totu is domandas chi ddi sunt arribadas.
Sa segreteria de sa scola, at a essi ativa finsas a su 30 de làmpadas 2022. Po totu is informus su servìtziu at a torrai a cumentzai a s’acabbu de su mesi de austu.
S’avisu in italianu, su manifesteddu e su regulamentu 2022/23 s’agatant publicaus in su giassu istitutzionali de su Comunu de Simaghis.