Regione Sardegna
Su cummissàriu straordinàriu de Zrofolliu, Dot. Paolo Puddu, fait a sciri ca est essiu su bandu de cuncursu pùblicu, po esamis sceti, po pigai a traballai a un’istrutori diretivu sòtziu-assistentziali categoria D, a tempus indeterminau partziali 91,67%.
Po pigai parti a su cuncursu tocat a tenni unu de custus tìtulus de stùdiu:
làurea in scièntzias sotzialis o chi balit che cussa;
làurea in pedagogia o chi balit che cussa;
làurea in psicologia o chi balit che cussa.
Sa domanda bolit presentada in su mòdulu aprontau a posta e depit arribai a su Comunu de Zrofolliu a intru de 30 diis de sa dii chi s’avisu de su Bandu est stètiu pubblicau in sa Gazeta Ufitziali de sa Repubblica Italiana - 4a sèrie speciali cuncursus e esamis. Si sa dii de sa scadèntzia ferit in dii de festa su tempus est perlongau po lei a sa primu dii chi non siat de festa a vatu de cussa. Ant a essi atzetadas sceti is domandas arribadas a intru de is 23.59 de sa dii de sa scadèntzia.
Sa domanda fait a dda mandai in una de custas maneras:
- cun sa PEC (Posta Eletrònica Certificada) a s’indiritzu Questo indirizzo email è protetto dagli spambots. È necessario abilitare JavaScript per vederlo.;
- in sa posta cun un’ arrecumandada A/R;
- cun unu corrieri privau;
- in deretura a manus a s’Ufìtziu de su Protocollu de su Comunu de Zrofolliu, chi s’agatat in Pratza Roma n.1.
Po ligi su bandu cumpletu in italianu e ndi scarrigai su mòdulu de domanda fait a intrai a su giassu istitutzionali de su Comunu de Zrofolliu innui s’agatant publicaus.