Regione Sardegna
Sa Regioni Sardìnnia at publicau s’avisu po su Vaucher di Conciliazione, po giai un’agiudu in dinari chi permitat a is mammas chi traballant comenti de autònomas de intrai in su mundu de su traballu de sighiu.
A chini est destinau s’avisu
S’avisu est destinau a is fèminas imprendidoras, is autònomas, lìberas professionistas, cun fillus e fillas chi non tengiat prus de 16 annus (15 annus e 364 diis) o fillus e fillas disàbilis sena lìmiti de edadi.
Ita arratza de contributu est
Su Voucher di Conciliazione est unu contributu econòmicu “una tantum” po torrai su dinai de is spesas fatas po pagai is servìtzius de assistèntzia po is fillus/as chi sunt pesendi o po is fillus/as disàbilis, de cali si siat edadi, chi atintzionant issas matessi.
De chini est finantziau s’interventu
S’interventu est finantziau de su POR SARDEGNA FSE 2014-2020 po 4.000.000,00 de èurus in totu. Su tanti màssimu de su voucher est de 3.000 èurus po dònnia fillu/a chi at gosau de unu de is servìtzius, scritus in s’avisu, e po non prus de 7.000 èurus po dònnia destinatària. Su dinari chi si giai est po circai de torrai de su totu o in parti su chi nc’est stètiu spèndiu.
Candu e comenti presentai sa domanda
Fait a presentai sa domanda de is 10.00 oras de su 2 de maju 2022 in modalidadi telemàtica (DT), sceti po mesu de s’aplicatzioni chi sa Regioni ponit a disponimentu in su Sistema Informativu de su Traballu e de sa Formatzioni Professionali (SIL Sardegna) a s’indiritzu: www.sardegnalavoro.it
Po is informus, o po cumprendi mellus is dispositzionis de s’avisu, fait a pregontai sceti in sa posta eletrònica scriendi a s’indiritzu: Questo indirizzo email è protetto dagli spambots. È necessario abilitare JavaScript per vederlo..
S’avisu s’agatat publicau in su giassu istitutzionali de sa Regioni Sardìnnia