Unione dei Comuni della Bassa Valle del Tirso e del Grighine

Si fait a sciri a totu is candidaus ammìtius a sa prova scrita de su Cuncursu pùblicu po unu postu, a tempus indeterminau, de istrutori diretivu amministrativu-contàbili ca cun sa determinatzioni n. 1 de su 27.01.2022 de su Responsàbili de s’ufìtziu de su personali s’est dispostu chi sa prova scrita de su cuncursu, fissada innantis po su 11 de gennàrgiu 2022, s’at a fai cullegaus a distàntzia su 15.02.2022.

In su giassu istitutzionali de su comunu de Siamanna s’agatat publicada sa determinatzioni n. 1 de su 27.01.2022 e sa cunvocatzioni de is candidaus po martis, su 15 de friàrgiu a is 15.30, cun totu is inditus po intrai a sa protzedura telemàtica.

S’arregordat ca totu is atus chi pertocant su cuncursu sunt publicaus in sa setzioni ''Amministrazione trasparente/Bandi di concorso'' de su giassu istitutzionali de su comunu.

Po totu is atrus informus fait a pregontai a s’Ufìtziu de su personale de su comunu de Siamanna (telèfonu 0783-449000 internu 5 / e-mail: Questo indirizzo email è protetto dagli spambots. È necessario abilitare JavaScript per vederlo.)