Regione Sardegna
Su 19 e su 20 de gennàrgiu in biddas meda de Sardigna s’afestat Santu Sebestianu. In Ollasta puru in cussas diis fiat sèmpiri festa manna ca Santu Sebestianu est su patronu de sa bidda. Ma ocannu, comenti giai ocannu passau, sa festa tzivili non s’at a fai. Is ollastesus no ant a biri su fumu de su foghilloni e no ant a intendi is sonus de is ballus. Su presidenti de sa Pro Loco at fatu a sciri ca s’emergèntzia de sa Covid-19 nch’at cantzellau totu su chi fiat in programma. Nudda fogu, ne ballus in pratza de crèsia manna, ne carrus e bois, ne faa cun ladru! S’at a fai sa festa religiosa sceti: sa missa manna po su Santu. Su pensamentu de totus de siguru at a essi prus o mancu su pròpiu: su disìgiu de abarrai sanus abetendi chi custa pesta mala, arribada a nou in totu su mundu, acabet cantu prus impressi chi fait!