Regione Sardegna
Si fait a sciri a is interessaus ca fait a si nci scriri a unu de is cursus professionalis promòvius de s’Artigian Service. Is cursus sunt de diferentis genias, sunt gratis e destinuaus a is disocupaus residentis me in Sardìnnia, chi ant cumpriu is 18 annus e chi tenint assumancus sa terza mèdia.
Is mòdulus de iscritzioni fait a ndi ddus arretirai in deretura me in sa sea de s’Artigian Service, in bia de Micheli Pira n.27 me in Aristanis oghinou fait a ndi ddus scarrigai de su giassu istitutzionali http://formazioneartigianservice.it/.
Po totu is informus e po chini tenit abisòngiu de una manu de agiudu a cumpilai sa domanda, fait a tzerriai a su nùmeru de s’ARTIGIAN SERVICE 0783.300296, a mangianu, de su lunis a sa cenàbura de is 8.30 a is 13.00 e a merii de su lunis a sa giòbia de is 15.30 a is 18.00.
In su giassu istitutzionali de su Comunu de Siapicia http://www.comune.siapiccia.or.it/ s’agatant publicadas is schedas informativas de is cursus e is mòdulus po fai sa domanda. (a.f.)