Regione Sardegna
Custu domìnigu, su 28 de martzu, a is 2 de noti torrat s’ora legali. Is lantzitas de s’arrelògiu tocat a nci ddas portai annanti de 1 ora. Amus a perdi un’ora de sonnu ma is diis sunt ammanniadas e duncas amus a tenni un’ora de luxi in prus e a sparanniai luxi de lampadina.
S’Europa est domandendi de su 2018 chi s’oràriu abarrit su pròpiu totu s’annu. Fràntzia, Germània, Finlàndia, Lituània, Svètzia e Estònia ant giai nau ca emmu: sunt de acòrdiu a lassai su pròpiu oràriu totu s’annu. S’Itàlia invècias no est de acòrdiu ca at stabiliu ca cun s’ora legali su sparànniu de energia elètrica est mannu e no est cosa de pagu contu!
Ocannu est s’annu chi tocat a sceberai……po immoi scideus ita fai. S’Itàlia tenit ancora tempus po ddoe pensai e aus a biri ita ant a stabiliri de fai po ocannu chi benit. (a.f.)