Unione dei Comuni della Bassa Valle del Tirso e del Grighine

Podint partiri is pagamentas po agiudai su setori chi pertocat s’allevamentu de is cuaddus. S’agentzia regionali Agris at aprovau s’elencu de is chi tenint deretu a is agiudus econòmicus cunforma a sa le regionali n.22 de su 23 de trìulas de su 2020, po unu tanti de unu milioni e 300 mila èurus in totu, chi ant a tocai a meris de cuaddus, cìrculus de cuaddus e assòtzius sportivus.

S’assessora a s’agricultura Gabriella Murgia at nau ca custus interbentus sunt de importu mannu po agiudai unu de is setoris chi prus at tentu dannus po mori de s’emergèntzia sanitària, e chi est de siguru un’arrichesa po s’economia de sa Sardìnnia, a prus de essi espressioni de s’identidadi e de is arrexinas nostas. In su tempus benidori ddoi ant a essi àterus interbentus po agiudai custu setori. (s.m)