Regione Sardegna
Is bibliotecas de su territòriu, sèmpiri ativas e atentas a is fainas culturalis prus de importu e de interessi po sa comunidadi si faint a sciri de unas cantu initziativas bellas:
Sa Tzineteca sarda-Sotziedadi umanitària, pigada in cunsidèriu sa rechesta manna chi at tentu, at a torrai a fai biri in MATEX TV (canali 272 de su digitali terrestri) cuatru de is binti puntadas de sa sèrie Sardegna nello schermo contivigiada de sa #CinetecaSarda
S’at a cumentzai de oi, giòbia su 25 de friàrgiu de su 2021, a is 20.30, cun unu omàgiu a Gavino Gabriel, etnomusicòlogu famau, trasmitendi cuatru film curtzus curtzus chi faint parti de su progetu tzinematogràficu cosa sua Visioni di Sardegna.
Custus is tìtulus de is film:
- Paesaggi e tipi di Sardegna: il Nuraghe
- Usanze e canti della vecchia Sardegna: la serenata di Gallura
- Canti e danze dell’antica Sardegna: il sortilegio del grappolo
- Usanze e canti della vecchia Sardegna: la vendemmia.
Un’àtera faina bella e beni pensada dd’at cuncordada s’U.N.L.A. (Tzentru de is Servìtzius culturalis de Aristanis) e dd’ant postu BIBLIOTOUR. Est unu biàgiu in giru peri is lìburus de is bibliotecas, (de sighiri in is retis sotzialis e in su canali YouTube), po fait a connosci is bibliotecàrius, is bibliotecas, lìburus e film puru.
Su biàgiu est inghitzau custa diis passadas e sa primu frimada dd’ant fata cun su bibliotecàriu de Siamanna e Siapicia chi at presentau is bibliotecas de is duas biddas innui traballat issu e unu lìburu puru!
Su vìdeu fait a ddu castiai crachendi innoi (a.f.)