Unione dei Comuni della Bassa Valle del Tirso e del Grighine

Finsas a su 15 de donniassantu 2020 si podit fai domanda a su Comunu de Aristanis po arriciri su “Bonus po is cojas”. Su bonus est unu contributu chi si donat po fai cresci is cojas e is unionis tzivilis in Sardigna. Est unu de cuddus interventus cuncordaus po agiudai s’economia sarda a pustis de s’emergèntzia epidemiològica de sa Covid-19. Su contributu podit lompit finas a 4.000 èurus po dònnia tzirimònia.                                                                                            

Si podit torrai su dinai de is spesas fatas po comporai cosas o servìtzius cun is operadoris econòmicus chi tenint sa sea insoru in su territòriu regionali nostu: spesa po catering, spesa po froris, spesa po bestimenta, organizatzioni de su sposòriu, pesoni de unu locali, deretus po s’agentzia de biàgiu, pesoni de unu mezu po sa dii de su sposòriu, servìtziu fotogràficu, servìtziu de animatzioni e mùsica puru, braberis, maistus de pilus e estetistas.

Podint fai domanda, cumentzendi de sa dii de aprovatzioni de sa Lei regionali n.22 de su 23 de trìulas de su 2020, is còpias de sposus residentis in Sardìnnia chi si sunt cojaus o ant fatu una unìoni tzivili aintru de su 23 de trìulas 2020 o portant bidea de dda fai aintru de su 31 de su mesi de nadali de su 2020.

Sa domanda bolit presentada a su Comunu de Aristanis, in posta eletrònica sceti, a custu indiritzu: Questo indirizzo email è protetto dagli spambots. È necessario abilitare JavaScript per vederlo.. S’ant a pigai in cunsideru sa data e s’ora de sa registratzioni in su protocollu informàticu de s’enti chi gestit su PLUS de Aristanis.

S’avisu e is mòdulus po fai sa domanda si podint ligi e si ndi podint scarrigai de sa setzioni “Avisus e scadèntzias” de su giassu istitutzionali de su Comunu de Aristanis.

Po cali si siat àteru informu si podit tzerriai a unu de custus nùmerus:

- ofìtziu Informacittà de su Comunu de Aristanis tel. 0783.791628 e mail: Questo indirizzo email è protetto dagli spambots. È necessario abilitare JavaScript per vederlo.;

- is Assistentis sotzialis referentis po s’àmbitu PLUS de Aristanis:

• d.ra Susanna Sanna tel. 0783.791235 e-mail Questo indirizzo email è protetto dagli spambots. È necessario abilitare JavaScript per vederlo.
• d.ra Raffaella Mura tel. 0783791226 e-mail Questo indirizzo email è protetto dagli spambots. È necessario abilitare JavaScript per vederlo.