Regione Sardegna
S’Agentzia Regionali FoReSTAS, partner de su Progetu FIRE-RES, finantziau de s’Unioni Europea, est promovendi in su territòriu duus atòbius “intorno al fuoco” po mandai a innantis is fainas chi su progetu previdit e giassus po ascurtai e arresonai paris a is comunidadis localis, entis e istitutzionis chi traballant po parai fronti a sa gherra contra a is fogus.
- Su primu de is atòbius s’at a fai in Àllai, su 1 de friàrgiu a is tres de merii in sa Sala de su Consillu comunali.
- Su de duus atòbius at a essi in s’Alighera-Prigionette, su 8 de friàrgiu a is tres de merii, in sa Sea de s’Agentzia Regionali Fo.Re.S.T.A.S.
Sa punna de custus atòbius est cussa de fraigai e cumpartziri propostas, de arremonai is fogus prus mannus chi ant mudau su paesàgiu de annus e annus a imoi, po afortiai sa cultura de s’arriscu e favoressi sa resistèntzia e su de si adatai a unu territòriu chi mustrat arriscus a nou cunformas a sa mudadura de su clima. Bolit essi una manera po arresonai e meledai cun totu sa comunidadi manna, paris a sa sotziedadi tzivili, a is bividoris bècius e a cussus arribaus a nou, a is turistas, a is portadoris de interessu econòmicu e istitutzionali. S’esperièntzia de su tempus passau est po su presenti un’aina contras a s’arriscu de fogus mannus in su benidori.
Sunt invitaus a pigai parti a is atòbius “Intorno al fuoco” totu is chi bolint cumpartziri s’esperièntzia issoru fata de arregodus, fotografias, disènnius, documentus acapiaus a is fogus mannus chi si sunt pesaus in is territòrius de Porto Conte (in Provìntzia de Tàtari) e Arci-Grìghini (in Provìntzia de Aristanis).
In su giassu istitutzionali de su Comunu de Àllai s’agatat publicau s’avisu e su manifesteddu de is atòbius.
Po totu is àterus informus: Questo indirizzo email è protetto dagli spambots. È necessario abilitare JavaScript per vederlo., po connosci su programma de su progetu fait a intrai a:
https://www.sardegnaforeste.it/notizia/parte-il-progetto-fire-res
https://www.sardegnaforeste.it/notizia/parte-il-progetto-fire-res