Regione Sardegna
Su Comunu de Siapicia est arresurtau benefitziàriu de unu finantziamentu regionali cun sa tarea de parai fronti a su spopulamentu me in is comunus prus piticus.
Is tzitadinus chi ant a pigai su contributu (chi podit lompi finsas a 15 mila èurus) podint ponni su dinari a comporai o a arrangiai una domu me in sa bidda de Siapicia ma nci est s’òbrigu de lassai innia sa residèntzia sinuncas tocat a nci torrai totu su dinari a segus.
A intru de su 29 de su mesi de donniassantu at a essiri su bandu comunali de finantziamentu.
S’avisu in italianu e is documentus allegaus fait a ddus ligi in su giassu istitutzionali de su Comunu de Siapicia innui s’agatant publicaus.